මහන මෙෂින් ගැන ලියන්ඩ ගත්තාට ටිකක් අමාරු වැඩක් කියලා දැන් මට හිතෙනවා. මොකද දන්නවද . නොදන්න කෙනෙකූට මේක ටිකක් ග්‍රීක් වගේ කේස් එකක්.

කොම්පියුටරයකට         රැම් එකක් ගහනවා වාගේ, සොප්ට්වෙයාර් එකක් ඔබනවා වාගේ මේක ලේසි නැ ඔලුවට දාගන්ඩ. මෙෂින් එකින් එකට , උපාංග සහ ක්‍රමවේදය වෙනස් තරමක් දුරට

මෙහෙම හිතමුකෝ

ඔයාලට සිංගර් නෝමල් මෙෂින් එක කියපුවහම  පැනපු ගමන්
'' ආ මම දන්නවා අර කළුපාට ආච්චිලාගේ කාලේ මැසිමනේ ''

ඔක්කොම කළුපාට මෙෂින් උනාට ඔව්වා එකින් එකට වෙනස්

එක් එක් රටවල්වල නිෂ්පාදනය කරන ලද මෙෂින් වල සමහරක් කොටස් වල වෙනස්කම් දකින්න පුළුවන්, කළුපාට නොමල් මෙෂින් වෙළද නාමයන් විශාල ප්‍රමාණයක් යටතේ  දකින්න පූළුවන් 


තවත් කෙනෙකුට හිතෙන්න පුළුවන් 

" අනේ ඕක මොකක්ද මෙයා ඉදිකට්ට දාන එක මහලොකූ වැඩක්ද "

මහලොකු වැඩක් නෙමෙයි උනාට දවසකට එක්කෙනෙක්වත් මැසිම උස්සගන එනවා ඉදිකටු වැරදියට දාගන

 '' අනේ බලන්ඩකො මැහෙන්නැ අප්පා කියාගන ''

එහෙම එන සමහරක් උන්දලා රටේ නම්දරාපු මැහුම්කාරියෝ, ඒක හන්දා මේ කතන්දරය මහන ඈයොන්ට ඉතාමත් වැදගත්වෙනවා

*** බහුලව සිද්ධවෙන ඉදිකටු සම්බන්ද වැරදි ***

1) මේෂින් එකට අදාල නොවන වැරදි ඉදිකටු භාවිතා කිරිම

2) ඉදිකට්ට වැරදි පැත්තට සවිකිරිම සහ ඉදිකට්ට බාගෙට සවීකිරිම

3) මොට්ට , ඇදවු ඉදිකටු , ගලවා ඉවත්කල ඉදිකටු භාවිතා කිරිම , බාල ඉදිකටු (ගුණාත්මක බවින් අඩු) භාවිතා කරීම

දැන් මෙව්වා ඔක්කොම ඔක්කොම එකට ලියන්ඩ ගියොත් පැටලිලි සහිත වෙයි , 

උඩින් කියපු කරුණු තූන ගැන වෙන වෙනම  ලියන්නම් , එතකොට හැමෝටම ලේසිවෙයි.

ඉදිකටු ගැන සරලව තේරුම් කරන්න තියන ලේසිම විදිහ තමා මෙෂින් එක පෙන්නලා ඉදිකට්ට මොකක්ද කියලා කියන එක. ඒක නිසා මම එහෙම කරන්නං.

ඔන්න බලාගන්න

අපි ගෙවල්වල පාවිච්චි කරන නෝමල් සහ සිග්සැග් මෙෂින් වලට පාවිච්චි කරන ඉදිකටුවල කියන්නේ  ( HA )

‍මෙන්න මේ වගේ මෙෂින් වලට








දැන් තේරෙනවද ගෙවල්වල පාවිච්ච් කරන ඔක්කොම මෙෂින් වලට දාන්නේ ( HA ) ඉදිකටු.

අපි මිලදී ගත යුත්තේ ගානවැඩි උනත් හොද ඉදිකටු. ඒ ඇයි කියලා දන්නවද , සමහරක් වේලාවට හොදට වැඩ කරන මෙෂින් එකක් උනත් අවුල් වෙනවා තත්වයෙන් බාල ඉදිකටු සවීකිරීම නිසා.

මෙන්න හොද එව්වා








මීළදී නොගත යුතූ බාල ඉදිකටු මෙන්න





ලංකාවේ පහසුවෙන් මීළදි ගන්න පුළුවන් හොද ඉදිකට්ට තමයි ඔය උඩින් තියන  සිංගර් රතුපාට ඉටිකොළ පැකට් එක, ඉදිකටු ගන්නකොට ඒ පැකට් එකම ඉල්ලන්න.

ඒ ඉදිකට්ටෙත් වර්ග දෙකක් තියනවා


සාමාන්‍ය රෙදි මැසිම සදහා HA2020
මේ ඉදිකට්ටේ මැසිමට සවීකරන ඉහල කොටස රතූපාටින් පාටකරලා තියනවා.




ටීෂර්ට් රෙදිවැනි ඇදෙන රෙදි මැසීම සදහා HA2045
මේ ඉදිකට්ටේ මැසිමට සවිකරන කොටස රත්තරන් පාටින් පාටකරලා තියනවා.  ඉදිකටු තුඩ සුමට ආකාරයෙන් නිමවා තියනවා රෙදිවලට හානියක් නොවන ලෙසට.

ඇත්තටම වෙන්නේ මේකයි, මේ ඉදිකට්ටේ තූඩ රෙදීවල සියුම් නූල් අතරින් රින්ගලා අනිත් පැත්තට බටර්වගේ යනවා.

මේ ඉදිකටු වර්ගයට කට්ටිය නම් ගොඩක් කියනවා

රැංග්ලරු ඉදිකටු

බෝල් පොයින්ට් ඉදිකටු

වෙට්ලුක් ඉදිකටු

ඩියුරෝ ඉදිකටු 

( වෙනත් නිෂ්පාදකයන්  bp   /    k5   වැනි ඒ ඒ සමාගමට අදාල නම් භාවිතා කරනවා )

ඔය ඉදිකටු වර්ග දෙකේම ප්‍රධාන වර්ණ තීරුවට යටින් තියනවා කූඩා වර්ණ තීරුවක් ඒ තීරුවෙන් කියවෙන්නේ ඉදිකටු size එක, මෙන්න මේ විදිහට 

9  කොළ

11  තැඹිලි

14  නිල්

16  දම්

18  කහ

21  දුඹුරු


තමන් මහන රෙද්දත් එක්ක ඒකට ගැලපෙන ඉදිකටු සයිස් එක සහ වර්ගය තෝරා ගැනීමෙන් උසස් ප්‍රතිපල ලබාගන්න පුලුවන්

දැන් දන්නවනේ අපි ගන්ඩ ඕන මොන ඉදිකට්ටද කියලා


fn 2 චයිනීස් ඔවර් ලොක් 








මම මේ කියන්න යන්නේ අපේ රටේ මහන මෙෂින් ගෙන්වන මහත්තුරු වැඩිදෙනෙක් අපිට විකුණන මෙෂින් එකක් ( චීනයේ නිෂ්පාදනය කරන මේ මාදිලිය එච්චර හොද එකක් නෙමෙයි )  

FN-2 නමින් හදුන්වන මෙම මහන යන්ත්‍රයට සවිකරන්න ඕන නිවැරදි ඉදීකට්ට ගැන.

ඉහල තියන පීන්තූර දැක්ක ගමන් දන්න අයට නං මතක් වෙනවා 

" ආ මේ අරකනේ කියලා "

ලංකාවේ දැනට භාවිතා කරන මෙෂින් එකින් එක එක් මාදිලියකට එක ලිපිය බැගින් පලකිරීමට දැනට අදහස් කරගෙන සිටිනා බැවින් , මේ ලිපියෙන් ඉදිකටු ගැන පමණක් දැනුවත් කරනබව සැලකුව මනාය.

මේ ‍මෙෂින් එකට භාවිතා කලයුතු ඉදි කටු වර්ගයට හදුන්වන්නේ DP නමින්.




ඔය තියෙන්නේ 

අපි කලින් කතා කරපු ha ඉදිකටුවත් එක්ක බලපුවහම මේ ඉදිකට්ට දිගින් එක සමානයි

මෙෂින් එකට සවීවන උඩ කොටස රවුම් ස්වභාවයකින් නිම කරලා තියනවා ( පැහැදිලි මදිද:  අර කලින් ලිපියේ සදහන් කරපු ha  ඉදිකටුවල මෙෂින් එකට හයිකරන කදකොටසේ එක පැත්තක් පැතලියට තියනවා කියලා කියුවා මතකයිනේ මෙතෙන්දි එහෙම නැ, ඉදිකට්ටේ මෙසිමට සවිවන ඉහල කොටස සම්පුර්ණයෙන්ම රවුම් )


ඉදිකට්ටේ පහල කොටසත් HA ඉදිකට්ටට වඩා ටිකක් රවුම් ස්භාවයක්  ගන්නවා

ha ඉදිකට්ටේ වගේම ඉදිරිපස කානුවක් වැනි දාරය සහ පිටුපස පහල කොටසේ ඇතුලට නෙරා ගිය වක්වු හැඩයන්ද මේ ඉදිකට්ටේ එලෙසම දකින්න පුළුවන්

9 / 11 / 14 / 16 / 18 / 21 /23 කියන ප්‍රමාණ වලින් මිළදි ගන්න පුළුවන්

ඇදෙන සුළු රෙදි වර්ග (ටීෂර්ට් වැනි) මැසීම සදහා විශේෂයෙන් නිර්මාණය කල බෝල් පොයින්ට් ඉදිකටු ( ha ඉදිකටුවල වාගේ )තියනවා, එව්වා හදුන්වන්නේ මෙන්න මෙහෙම

DP-bp , DP-k5  ඔන්න ඔය වගේ ( පිටුපස අකුරු දෙක නිෂ්පාදකයා අනුව වෙනස් විය හැක )

තත්වයෙන් බාල සහ උසස් තවයේ ඉදිකටු දකින්නට ලැබෙන නිසා මීළදි ගැනිමෙදි සැලකිලිමත්වීම ඉතා වැදගත්වෙනවා, එය හරිම සරලයි, කල යුත්තේ මිලෙන් වැඩි හොද ඇසුරුමක තියෙන ඉදිකටු මිලදි ගැනිම පමණයි.


මෙන්න හොද එව්වාට උදාහරණ




බාල එව්වා



දැන් ඉතින් dp ඉදිකටු ගැනත් දන්නවා එහෙනං , ඊලගට බලමුකෝ DC ගැන.


මෙන්න ඉන්දියන් ඔවර්ලොක් මෙෂින්








මෙන්න තියනවා ගෙදර පාවිච්චියට , පොඩි බිස්නස් එකකට ගන්නවානං ගන්න ඕන නියම ඔවර්ලොක් මෙෂින් , මේව්වා නිෂ්පාදනය කරන්නේ ඉන්දියාවේ.

 චයිනීස් GN-1 මෙෂින් වලට බොහෝ දුරට සමාන උනත් , වැඩට බැස්සහම අහසට පොළව වගේ. මේ මෙෂින් එක ගැන විස්තර පසුවට කතා කරමු අද කියන්නේ ඉදිකට්ට ගැන.

මේකට අර GN-1 එකට හයිකරන ජාතියේ ඉදිකට්ටම තමා, 

  DC



චයිනීස් gn-1






මෙන්න තවත් චීනයේ නිෂ්පාදනය කරන ..ඔවර් ලොක්.. මෙෂින් එකක්. මේකට කියන නම  තමයි GN-1
මේකට පාවිච්චි කරන ඉදිකට්ට තමයි 

DC

dc ඉදිකට්ට ඔය අපි ලිපියේ ඉහලදි දැක්ක  dp ඉදිකට්ට වඩා මිලිමීටර්  6  ක් විතර කොටයි

මෙෂින් එකට සවිවන කොටසත් dp ඉදි කට්ටකට සමානයි

ඉදිකට්ටේ පහල කොටසත් dp ඉදිකට්ට හා බොහෝ දුරට සමානයි

dp සහ dc ඉදිකටු අතර තියන ඔබට වැදගත්වන එකම වෙනස උස පමණයි

මෙන්න වෙනස




high speed overlock sewing machine





මෙන්න මේ හයිස්පීඩ් ඔවර් ලොක් මෙෂින් වලටත් දාන්නෙ අර අපි කලින් කියපු dc ඉදිකටුම තමා



high speed nomal sewing machine











මෙන්න මේ හයිස්පීඩ් නෝමල් මෙෂින්වලට දාන්නේ මම අර කලින් කියපු db සහ dp ඉදිකටු , 
db නිඩ්ල් බාර් එකක් සහිත මෙෂින්වලට db ඉදිකටුද ,  
dp නිඩ්ල් බාර් එකක් සහිත මෙෂින්වලට  dp ඉදිකටුද යෙදිය යුතුයි